நீக்கம் (மருந்தியல்)
மருந்தியலில், ஒரு மருந்தின் நீக்கம் ( Elimination) அல்லது வெளியேற்றம் என்பது ஒரு மருந்து உடலிலிருந்து அகற்றப்படும் பல செயல்முறைகளில் ஒன்றாகும் . கல்லீரல், தோல், நுரையீரல் அல்லது சுரப்பிகள், உமிழ்நீர் சுரப்பிகள் மற்றும் லாக்ரிமல் சுரப்பிகள் போன்ற உறுப்புகள் உடலில் இருந்து ஒரு மருந்தை வெளியேற்ற குறிப்பிட்ட வழிகளைப் பயன்படுத்துகின்றன, இவை நீக்குதல் பாதைகள் என்று அழைக்கப்படுகின்றன [1]. அவையாவன,
இடைநிலை வளர்சிதை மாற்றத்தின் தயாரிப்புகளின் அதே படிகள் மற்றும் வழிமுறைகளைப் பின்பற்றி குளோமெருலர் வடிகட்டுதல் மற்றும் குழாய் சுரப்பு மூலம் சிறுநீரகத்திலிருந்து மருந்துகள் வெளியேற்றப்படுகின்றன. எனவே, குளோமெருலஸால் வடிகட்டப்படும் மருந்துகளும் செயலற்ற குழாய் மறு உறிஞ்சுதல் செயல்முறைக்கு உட்பட்டவை. இரத்த பிளாஸ்மாவில் உள்ள புரதங்களுடன் பிணைக்கப்படாத மருந்துகள் அல்லது வளர்சிதைபொருட்களை மட்டுமே குளோமெருலர் வடிகட்டுதல் என்னும் செயல்முறை அகற்றும். அண்மை மற்றும் சேய்மை சுருண்ட குழல்களில், அயனியாக்கம் செய்யப்படாத அமிலங்கள் மற்றும் பலவீனமான காரங்கள் மீண்டும் உறிஞ்சப்படுகின்றன. சுருண்ட குழல்களில் பாயும் திரவத்தின் காரத்தன்மை அதிகரிக்கும்போது பலவீனமான அமிலங்கள் வெளியேற்றப்படுகின்றன, மேலும் இது செயலற்ற மறு உறிஞ்சுதலைக் குறைக்கிறது. இதற்கு நேர்மாறாக செயல் பலவீனமான காரங்களுடன் நிகழ்கிறது. நச்சுமுறிவு சிகிச்சைகள் இந்த விளைவை நச்சுப்பொருட்களின் நீக்கத்தை அதிகரிக்க பயன்படுத்துகின்றன, உடலினுள் உருவாகும் சிறுநீரில் காரத்தன்மையை அதிகரிப்பதன் மூலம் கட்டாய சிறுநீர்ப்பெருக்கு ஏற்படுகிறது, இது பலவீனமான அமிலத்தை வெளியேற்றுவதை ஊக்குவிக்கிறது. அமிலம் அயனியாக்கப்பட்டிருப்பதால், அது பிளாஸ்மா சவ்வு வழியாக மீண்டும் இரத்த ஓட்டத்திற்குள் செல்ல முடியாது, அதற்கு பதிலாக சிறுநீரில் வெளியேற்றப்படுகிறது.
பிற நிகழ்வுகளில் மருந்துகள் பித்தநீருடன் இணைந்து குடலில் நுழைகின்றன. பின் குடலில் உறிஞ்சப்படாத மருந்துடன் சேர்ந்து மலத்துடன் அகற்றப்படும் அல்லது அது ஒரு புதிய உறிஞ்சுதல் செயல்முறைக்கு உட்பட்டு இறுதியில் சிறுநீரகத்தால் அகற்றப்படும்.[2]
இவற்றையும் காண்க
தொகுமேற்கோள்கள்
தொகு- ↑ Atkinson, Arthur J. (2022-01-01), Huang, Shiew-Mei; Lertora, Juan J. L. (eds.), "Chapter 2 - Clinical pharmacokinetics", Atkinson's Principles of Clinical Pharmacology (Fourth Edition), Academic Press: 11–26, எண்ணிம ஆவணச் சுட்டி:10.1016/b978-0-12-819869-8.00021-5, பன்னாட்டுத் தரப்புத்தக எண் 978-0-12-819869-8, பார்க்கப்பட்ட நாள் 2025-02-01
- ↑ Raj, Gerard Marshall; Raveendran, Ramasamy (2019-11-16). Introduction to Basics of Pharmacology and Toxicology: Volume 1: General and Molecular Pharmacology: Principles of Drug Action (in ஆங்கிலம்). Springer Nature. பன்னாட்டுத் தரப்புத்தக எண் 978-981-329-779-1.
வெளி இணைப்புகள்
தொகு- UAlberta.ca, கழிவுநீக்கம் (அனிமேஷன்)