மலேசிய அஞ்சல் குறியீடுகள்
மலேசிய அஞ்சல் குறியீடுகள் (ஆங்கில மொழி: Postal Codes, மலாய்: Poskod) ஐந்து இலக்கங்களைக் கொண்டவையாகும். முதல் இரு இலக்கங்களும் மாநிலம் அல்லது கூட்டரசு பிரதேசத்தைக் குறிக்கும். (எ.கா. 30000 ஈப்போ, பேராக்).
சில இடங்களில் இரு மாநிலங்களுக்கு அருகில் இருக்கும் இடங்களின் அஞ்சல் குறியீடுகள் மாறுபடுவது உண்டு. அதனால், வேறு மாநிலத்தின் அஞ்சல் குறியீடு பயன்படுத்தப்படும். வேறு மாநிலத்தில் உள்ள ஓர் அஞ்சலகம் கடிதப் பட்டுவாடா செய்யும் போது, அந்த மாநிலத்தின் அஞ்சல் குறியீடே பயன்படுத்தப்படுகிறது.
வரலாறு
தொகு
மலேசிய அஞ்சல் துறையின் தலைமை இயக்குநராக இருந்த எம். ராஜ்சிங்கம் என்பவரால், மலேசியாவில் அஞ்சல் குறியீட்டு முறை தொடங்கப் பட்டது. இவர் 1976 லிருந்து 1986 வரை, மலேசிய அஞ்சல் துறையின் தலைமை இயக்குநர் பதவியை வகித்தார். 1976-ஆம் ஆண்டு கோலாலம்பூர் மாநகரத்திற்கு மட்டுமே அஞ்சல் குறியீட்டு முறை அமலில் இருந்தது. அஞ்சல் குறியீட்டு முறையை நாடு முழுமைக்கும் விரிவு படுத்த விரும்பிய எம். ராஜ்சிங்கம், பிரான்ஸ் நாட்டின் லா போஸ்டே அஞ்சல் துறையின் உதவியை நாடினார்.
அஞ்சல் குறியீட்டு முறை கடிதங்களைப் பட்டுவாடா செய்வதை எளிமை படுத்தியது. கடிதங்களில் காணப்படும் இலக்கங்களை அஞ்சல் கருவிகள் எளிதாக அடையாளம் கண்டன. கடிதப் பரிவர்த்தனைகளும் துரிதப் படுத்தப்பட்டன. அவரின் அரிய சேவைகளுக்காக, 2014-ஆம் ஆண்டு, மலேசியாவின் உயரிய விருதுகளில் ஒன்றான டார்ஜா பாங்லிமா ஜாசா நெகாரா மலாய்: Darjah Panglima Jasa Negara)எனும் டத்தோ விருது வழங்கிக் கௌரவிக்கப்பட்டது.[1]
அஞ்சல் குறியீடுகள்
தொகுமலேசிய மாநிலங்கள் மற்றும் கூட்டாட்சிப் பகுதிகளின் முதல் இரு அஞ்சல் குறியீட்டு இலக்கங்கள் கீழே தரப்படுகின்றன. மாநிலங்களின் தலைநகரங்கள் அடைப்புக் குறிகளில் உள்ளன.
கூட்டரசு பிரதேசங்கள்
தொகு- கோலாலம்பூர் மாநகரம் 50xxx லிருந்து 60xxx வரையிலான குறியீடுகளைப் பயன்படுத்துகிறது. அவற்றுள் செராஸ், தாமான் மெலாவாத்தி, புக்கிட் லாஞ்சான், பாண்டான் இண்டா போன்ற இடங்கள் சிலாங்கூர் மாநிலத்தில் இருந்தாலும், அவற்றின் அஞ்சல் குறியீடுகள் மாறுபட்டுள்ளன.
- புத்ராஜெயாவிற்கு 62xxx
- லாபுவான் கூட்டரசு பிரதேசத்திற்கு 87xxx
மாநிலங்கள்
தொகு- சிலாங்கூர் மாநிலமும் (ஷா ஆலாம்) மாநகரமும் 40xxx - 48xxx; 62xxx - 64xxx குறியீடுகளைப் பயன்படுத்துகின்றன. (பிரேசர் மலைக்கு மட்டும் 49x00). செராஸ், தாமான் மெலாவாத்தி, புக்கிட் லாஞ்சான், பாண்டான் இண்டா போன்ற இடங்கள் சிலாங்கூர் மாநிலத்தில் இருந்தாலும், அவை கோலாலம்பூர் மாநகரத்தின் 68xxx குறியீடுகளைப் பயன்படுத்துகின்றன.
- திரங்கானு (கோலா திரங்கானு) 20xxx - 24xxx வரை
- சரவாக் (கூச்சிங்) 93xxx - 98xxx வரை
- சபா (கோத்தா கினபாலு) 88xxx - 91xxx வரை
- கெடா (அலோர் ஸ்டார்) 02xxx - 05xxx - 09xxx வரை
- கிளாந்தான் (கோத்தா பாரு) 15xxx - 18xxx வரை
- நெகிரி செம்பிலான் (சிரம்பான்) 70xxx - 73xxx வரை
- பினாங்கு (ஜார்ஜ் டவுன்) 10xxx - 14xxx வரை
- ஜொகூர் (ஜொகூர் பாரு) 79xxx - 86xxx வரை
- மலாக்கா (மலாக்கா மாநகரம்) 75xxx - 78xxx வரை
- பெர்லிஸ் (கங்கார்) 01xxx
- பேராக் (ஈப்போ) 30xxx - 36xxx - 39xxx. (கேமரன் மலைக்கு மட்டும் 39xxx).
- பகாங் (குவாந்தான்) 25xxx - 28xxx, கெந்திங் மலைக்கு மட்டும் 69xxx
வெளி இணைப்புகள்
தொகு- மலேசிய அஞ்சல் துறை பரணிடப்பட்டது 2021-05-02 at the வந்தவழி இயந்திரம்
- மலேசிய அஞ்சல் குறியீடுகள்
மேற்கோள்
தொகு- ↑ Sivanandam, Hemananthani (2014-06-09). "Due recognition for man behind Malaysia's postcode system". The Star (Malaysia) (Petaling Jaya, Malaysia: Star Publications (M) Bhd). http://www.thestar.com.my/News/Nation/2014/06/09/Due-recognition-for-man-behind-Malaysias-postcode-system/. பார்த்த நாள்: 2015-02-18.